Go to content Go to navigation Go to search

Umsagnir

Umsagnir frá skjólstæðingum mínum:

“Tinna er með eindæmum flink í því að losa um ýmsar ósýnilegar stíflur í líkamanum. Hún er hins vegar ekki síður nösk við það að aðstoða mann við að losa um stíflurnar sem maður stundum framleiðir sjálfur í hausnum á sér. Oftar en ekki leiðir hún mann óvænt og hratt að kjarna málsins. Hún kann að vera með höfuðið í skýjunum, eins og flest gott fólk en fætur hennar eru kyrfilega á jörðinni. Þar hjálpar líka að hún er með einstaklega gott skopskyn. Og mín reynsla er sú að þegar kemur að mikilvægum málum þá eru fáir hnífar beittari en einmitt rétt blanda alvöru og húmor.”
– Ragnar, 43 ára.
——————————
“Ég kom til Tinnu vegna þrálátra höfuðverkja og vegna þess að ég hafði verið bílveik frá því ég fæddist
og það versnaði bara eftir því sem ég eltist. Eftir nokkur skipti fann ég strax mun og var hætt að fá
þennan mikla höfuðverk.
Núna hef ég ekki hitt Tinnu í hálft ár og hef ekki fengið höfuðverk síðan ég
hætti hjá henni og finn mun minna fyrir bílveikinni en áður. Þessi meðhöndlun hjálpaði mér mjög
mikið og ef þetta versnar aftur mun ég leita strax til Tinnu.”
-Sandra
————————————–

“Kom með eldri strákinn minn til þín fyrir 4 árum og hann var allt annar eftir það og væri ég því til í að fá tíma fyrir litla manninn (11 daga) hjá þér fljótlega.”

Svo komu þau 1x og ég fékk þetta : “Það gengur rosa vel, hann er allt annar. Takk fyrir okkur”

—————————————

“Ég mæli hiklaust með Tinnu Maríu. Ég á tvo stráka og hef farið með þá báða sem ungabörn í höfuðbeina- og spjaldhryggsmeðferð hjá henni. Eldri strákurinn minn fékk slæma magakveisu nokkra vikna gamall og grét góðan part úr degi í nokkrar vikur þar til við ákváðum að prófa að fara með hann til Tinnu. Við fórum með hann í tvö skipti til hennar og það var eins og að koma heim með annað barn, hann var svo vær og góður og leið greinilega mun betur.

Yngri strákurinn okkar fór að sýna sömu kveisueinkenni um 2ja vikna gamall þannig að ég fór strax með hann til Tinnu, eitt skipti dugði honum og honum hefur liðið mun betur síðan.

Það er greinilegt að það sem Tinna er að gera virkar og ég mun ekki hika við að hafa samband við hana aftur ef eitthvert okkar þarf á að halda.

Takk fyrir mig Tinna Garðarsdóttir”

—————————————

“Thank you so much Tinna for your fine work. Not having your CranioSacralTherapy I cannot comment, however your little magic machine helped my shoulders quite a bit. (SCENAR)
I think you have a lovely energy and it was a pleasure to have work by you.”

Most Gratefully,
Rev. Maxine Gaudio
Divine Light, LLC
www.maxinegaudio.com

——————————

“Sem mikil áhuga manneskja um andleg málefni og óhefðbundnar lækningar í gegnum árin hef ég leitað mikið eftir hjálp og aðstoð faglærðra aðila sem hafa hjálpað mér allir á sinn hátt. En líka hefur mér lærst það að einfaldleikin, yfirvegun og einlægni meðferðar aðilans skiptir miklu og það að vera trúr sjálfum sér og sínum verkum.Þetta flæði fann ég hjá Tinnu þegar ég fór til hennar í meðferð í Höfuðbeina- og spjaldhryggjameðferð. Ég upplifði mikið tilfinningalegt flæði og frelsi eftir á.

Það er mín trú að þetta virki á einstaklinginn í heild sinni og færi honum meira ljós og frið í hjarta sitt.”
Með þakklæti, Guffa
www.guffa.is

—————————–

“Tinna er með eitthvað undratæki upprunnið frá Rússlandi sem mér finnst bæði lógíst og áhrifaríkt, það gefur djúpbylgjur einhverskonar. Hef átt við svokallaða frosna öxl, sem er ástand sem varir hjá fólki 1 til 3 ár, oftast 1 ár. Þetta ástand herjar helst á konur á aldrinum 40-60 ára (70%) hvað veldur veit engin. Ég er búin að prófa allskona meðferð án árangurs því þetta ástand er ansi sársaukafullt og verst á nóttunni vegna verkja. Eftir aðeins eina meðferð í SCENAR tækinu hennar fann ég minnkun á sársauka og aukinn liðleika. Er búin að fara í 3 skipti og er ákveðin að láta Tinnu klára dæmið við fyrsta tækifæri. Mjög áhugavert og verður gaman að fylgjast með þessu frekar.”

Kærar þakkir, Þuríður Ottesen

Framkvæmdastjóri
——————————

“Hún Tinna er ekki ein af þeim sem fer hina hefðbundnu leið, hún fer sína eigin leiðir sem er svo frábært við hana.
Hún er svo uppfull af áhuga á því sem hún er að gera, enda hefur hún ómælda orku og nærvera hennar er svo róandi að það er töfrum líkast.
Eftir fyrsta tímann fannst mér sem ég svifi um á bleiku skýi, einhvernveginn fannst mér eins og hún hefði náð að “stilla mig af” og koma á betra jafnvægi á líkama og sál.
Ég slakaði svo vel á hjá henni að ég sofnaði á bekknum. Það er ekki oft sem maður nær algerri slökun, en sú tilfinning er yndisleg.”

Takk fyrir mig,
Gyða Halldórsdóttir
www.draumur.is

——————————-

“Ég og tíu ára sonur minn höfðum mjög gott af meðferðinni hjá Tinnu, bæði á líkama og sál, en meðferðin reyndist mjög vel við t.d. Tourette taugaröskun sonarins og svefninn stórbatnaði hjá okkur báðum svo eitthvað sé nefnt. Án efa munum við fara aftur til hennar þegar heilsan er í húfi.”

Heiða Björk Sturludóttir

——————————

“Ég hef undanfarin 5 ár þjáðst af gömlum meiðslum, aðallega í hægra hné, slitin krossbönd og illa skemmdur liður og hef ég haft þó nokkra verki og óþægindi útfrá því. Hef ég ítrekað farið í skurðaðgerðir vegna þessa sem hafa gengið mis vel. Tinna meðhöndlaði hnéð og hnésbótina með SCENAR tækinu 1x í tæpa klukkustund og mér til mikilla undrunar fann ég strax mun á hnénu og verkjunum í því. 2 dögum eftir meðferðina var ég allt annar í hnénu og verkirnir sem ég hef haft meira eða minna stöðugt í marga mánuði nánast hurfu! Því vil ég hvetja alla þá sem þjást af liðverkjum eða meiðslum af einhverju tagi að fara í meðferð til Tinnu.”

Örn Kristinsson

——————————

Ég lenti í því að rífa vöðva í öðrum kálfanum og sögðu læknarnir að ég myndi eiga í þessu í a.m.k. 6 vikur. Ég var draghölt og illt í fætinum fyrstu dagana á eftir. Eftir fyrstu meðferð með SCENAR tækinu leið mér mikið betur en eftir aðra meðferð aðeins nokkrum dögum síðar var ég orðin fín í fætinum og óhölt, á aðeins 2 vikum! “

Geirlaug Ingibergsdóttir

——————————

“Það eru nokkur ár síðan ég kynntist Tinnu Maríu og voru það sameiginleg áhugamál sem leiddu okkur saman.

Þrátt fyrir ungan aldur þá hefur hún aflað sér gífulegrar þekkingar, á mikla reynslu af baki, og alltaf tilbúin og opin fyrir nýjum tækifærum til að auka þekkingu sína og getu til að heila/hjálpa og lina þjáningar annarra andlega sem og líkamlega.

Ég hef glímt við vandamál/mein í öxlum/hálsliðum og brjóstbaki í nokkur ár eftir slys. Átti það til að festast alveg, og fylgdi því gífurlegur sársauki og höfuðkvalir við minnstu hreyfingu.Var í sjúkranuddi og fannst mér það skila litlum árangri.

Í fyrra fór ég til Tinnu Maríu og fékk meðferð hjá henni með S.C.E.N.A.R tækinu.
Strax eftir fyrsta tímann fann ég mun, það var komin meiri teyjanleiki og minni sársauki. Ég fann hvað þetta tæki vinnur djúpt og losar auðveldlega um og eykur blóðflæðið.

Þessi meðferð í S.C.E.N.A.R tækinu hentaði mér mjög vel, minni sársauki, meiri sveigjanleiki, aukið frelsi.
Og það besta að um tækið hélt manneskja vinnandi í farvegi kærleika og ljóss með mikinn heilunarkraft og hlýja og góða nærveru.

Það verður gaman að fylgjast með Tinnu Maríu í framtíðinni. Það sem hún gerir, vinnur hún vel og leggur allan sinn metnað í það.
Hún er búin að átta sig á sínu hlutverki í þessu lífi og meðvituð um hvar hæfileikar hennar liggja og vinnan hennar, þar er hún rétt að byrja.

Guð blessi þig Tinna María í lífi, leik og starfi. “

Englakveðja,
Ólína Guðrún Gunnarsdóttir
Englaherbergið.

——————————

“Já ég mæli eindregið með Tinnu Maríu Emilsdóttir. Fór í cranio á meðgöngu og þetta var bara algjör snilld þvílík afslöppun og ró sem ég fann fyrir eftir tímann.
Aldrei að vita nema þetta cranio hafi gert það að verkum að dóttir mín sé svona róleg og góð:)
Hér er algjör snillingur á ferð !”

Birgitta

——————————

 

“Meðferðin sem ég hef verið í hjá Tinnu Maríu hefur gert mér mjög gott.Hún hefur losað um margt og bætt andlega líðan mína til muna. Ég hef á tilfinningunni að sprungur séu komnar í gamla stíflu, hún sé smátt og smátt að bresta og flæði sem ég hef ekki fundið fyrir lengi sé að ná eðlilegu rennsli í réttum farvegi.
Tinna er blátt áfram, einlæg og næm á það sem þarf að vinna í hverju sinni, auðsýnilega vel lærð og veit hvað hún er að gera. Það hentar mér mjög vel. Takk fyrir alla hjálpina Tinna.”

Edda Bryndís

——————————

“Eftir að hafa upplifað erfiða tíma í sumar og verið að sligast undan vanmætti – hræðslu – reiði – streytu og ótta við óþekktan andstæðing fann ég Tinnu Maríu. Það var svo ótrúleg lífsreynsla sem ég upplifði eftir fyrsta tímann hjá henni. Hún hjálpaði mér að losna við allar þessar slæmu tilfinningar, pakka þeim saman og senda þær burt. Ég fann sjálfstyrk minn aukast, varð meðvitaðri um að standa með sjálfri mér og varð fullgildur þátttakandi í lífi mínu. Ég losnaði við mörg tonn af slæmum tilfinningum og fékk í staðinn hugarró, vellíðan, afstressun og litlu stelpuna mína heim aftur.
Takk Tinna María fyrir að hjálpa mér.
Það er svo gott að koma til þín, afslappað andrúmsloft og frábær útgeislun frá þér gera heiminn betri og stuðla að betri líðan.”

Kær kveðja Guðný Bára Magnúsdóttir

——————————

“Ég er miklu betri í bakinu, það er rosalega mikill munur að vakna á morgnana og eins á kvöldin. þakka þér fyrir”
——————————

“Tíminn sem hún kom í til þín um daginn gerði nánast kraftaverk fyrir hana, henni líður svo miklu betur, alveg ótrúlegt.” (2. mánaða engill)

Kveðja Sara

——————————

“Það er ljóst að Tinna María er gædd einhverjum yfirnáttúrulegum töfrum! – ég var búinn að vera með stöðuga verki í öxl og herðum eftir bílslys fyrir mörgum árum og ég hélt að ég hefði reynt allt til þess að draga úr verkjunum!! Eftir aðeins nokkra tíma hjá Tinnu fór ég að finna fyrir jákvæðum breytingum og staðan í dag er þannig að ég varla finn fyrir verkjum! – núna kem ég til Tinnu aðeins til forvarna J Ég mæli eindregið með Tinnu Maríu, hún er algjör snillingur á sínu sviði!
Ég þakka kærlega fyrir mig!”

Kveðja, Björn Kristján Arnarson
happy.is

——————————

Þrátt fyrir að ég sé komin af yfirsetukonum og grasalæknum í eina sex sjö ættliði hef ég í mjög litlum mæli nýtt mér þjónustu á sviði óhefðbundinna lækninga til þessa. Reyndar fer ég nánast aldrei til heimilislæknisins míns heldur. Ég er sem sagt ein af þeim sem læt bara reka á reiðanum. Svo var það á dögunum að ég ákvað að við svo búið yrði ekki unað. Ég var orðin svakalega stressuð og yfirspennt að staðaldri, gat ekki kyrrað í núinu og fann fyrir einhvers konar undirliggjandi og lamandi kvíðatilfinningu alla daga. Það hvarflaði ekki að mér að fara til læknis svo ég fór að spyrjast fyrir. Höfuðbeina- og spjaldhryggjarmeðferð var eitthvað sem margir hældu svo ég ákvað að ég væri svo sem jafn dauð þótt ég reyndi það.

Það er skemmst frá því að segja að ég hef farið í nokkur skipti til Tinnu í slíka meðferð á undanförnum mánuðum og líðan mín er allt önnur. Ekki veit ég hvað það er sem hún gerir en mér er nokk sama því ég finn það á eigin skinni að það virkar. Tinna er einstaklega hlý og hefur mjög traustvekjandi nærveru. Ég er viss um að hún veit hvað hún er að gera og að hún hefur gert mér gott. Ég er henni mjög þakklát fyrir hjálpina og mæli svo sannarlega með því að þú prófir ef þér finnst hvunndagsamstrið vera að kæfa þig.
Staldraðu við………”

Kær kveðja,
Soffía
—————————————-

” Ég var hjá þér í haust vegna rófubeinsins, var þá ólétt. Fann aldrei fyrir rófubeininu eftir meðferðina, alveg frábært! “

Ingibjörg
———————————–

“Eg var buin ad stunda joga i um 3 ar tegar eg loksins attadi mig a tvi ad eg turfti ad gera eitthvad meir til ad laga kroniska vödvabolguna mina. Eg fekk nafnspjaldid hennar Tinnu og akvad ad lata slag standa og drifa mig.

Eftir fyrsta timann akvadum vid ad best væri ad eg mundi fara i 3 tima med viku millibili. Tetta var arid 2006 i november. Upplifun min var hreint himnesk ef svo ma ad ordi komast. Eg nadi ad slaka vel a enda buin ad fa godan undirbuning af joganu. Tinna hafdi sagt mer ad hun vinni ekki undir neinni formulu heldur tæki hun hvern einstakling fyrir sig og vinni med hann privat og personulega enda hefur hun menntad sig mikid a mörgum svidum. Tad strax fekk mig til ad vita ad eg væri komin a rettan stad. I tridja timanum fann eg hvernig eg var oll ordin lettari og sveigjanlegri, mer hafdi aldrei lidid svona vel eda bara sidan eg var litil stelpa.

Eg se alls ekki eftir ad hafa farid, tetta munadi ollu og er eg Tinnu ævinlega takklat. Eg hef ekki fundid til i bakinu sidan.

I mai 2007 var eg ad fara ad keyra um evropu i fimm vikur. Eg var komin tvo manudi a leid og vildi eg tryggja tad ad mjadmirnar yrdu godar og ad mer mundi lida sem best. Lidbondin voru oll ad teygjast og olli tad mer sma verkjum og otægindum. Eg for i tvo tima til hennar Tinnu og fann ad tad skiladi ser vel a tessu langa ferdalagi.

Eftir fædingu litlu stelpunnar minnar for eg til hennar einu sinni en dottir min for tvisvar adeins nokkra vikna gomul. Dottir min hafdi verid tekin ut med sogklukku og var hun oll frekar spennt og halladi ser mikid bara i adra attina og ta alltaf somu attina. Strax eftir fyrsta timann fann eg mikinn mun a henni og eftir annan timann var hun farin ad lita jafnt til beggja atta.

Eg takka Tinnu innilega fyrir alla ta hjalp sem hun hefur veitt okkur og er tad mer salarro ad vita af henni og vita ad hun getur adstodad mann vid ymsa likamlega sem og andlega kvilla.”

Anna Palsdottir
—————————————————–

“Ég kom í einn tíma fyrir nokkrum mánuðum síðan og ég er enn mjög góður í fætinum og er búin að spila mikið fótbolta undanfarið og ekkert vesen!”

Júlíus

——————————————————–

“Ég fór með stelpuna mína í tvo tíma og þetta gerði algjört kraftaverk á henni. Ég er ennþá orðlaus yfir breytingunni sem varð á henni við að fara í þetta.

Ég fór með hana af því að hún var eilíflega svo óörugg og yfir sig hrædd, hún þoldi alls ekkert nýtt (nýtt fólk, nýja staði, ný hljóð…), þá var hún bara hágrátandi taugaflak. Það var skelfilegt að fylgjast með þessu. Það var sem sagt ekki hægt að fara með hana út úr húsi án þess að hún stæði á orginu af hræðslu allan tímann og ég gat bara ekki lagt það á hana.

Ég hafði svosem enga trú á þessu ‘kukli’ fyrirfram en það voru einhverjir sem sóru að þetta virkaði svo ég hugsaði með mér að það gæti allavega ekki skaðað og ég var til í að reyna hvað sem er til að hjálpa henni, þetta var svo sárt. Eftir fyrsta tímann var strax mikill munur og eftir annan tímann var hún allt annað barn. Við fórum m.a.s. með hana í fjölmennt fjölskylduboð með mörgum börnum og MIKLUM hávaða og það heyrðist ekki tíst í henni allan tímann, hún naut sín í botn og allrar athyglinnar sem hún fékk.

Þetta gerði líka góða hluti fyrir svefninn hennar, hún fór að sofa værar eftir tímana. Áður var hún að hrökkva upp grátandi eftir stutta stund og þoldi ekki nein hljóð meðan hún svaf, þá var hún vöknuð með látum. En núna gæti maður yfirleitt haldið dauðarokkstónleika inni hjá henni á meðan hún sefur og hún myndi ekkert kippa sér upp við það!

Ég trúi þessu varla enn… veit að þetta virkar kannski ekki fyrir alla en við eigum í það minnsta mjög jákvæða reynslu að baki.”

Hrönn

———————————————————

“Sæl Tinna María
Hún er búin að vera rosalega dugleg að leika sér við krakkana hjá dagmömmunni eftir að hún var hjá þér, einnig við frændsystkini sín. Aðrar dagmömmur sjá mun á henni líka því nú geta þær klætt hana í og talað við hana þegar þær hittast allar saman með krakkana. Hún er líka farin að vera ein inni í herbergi og leika sér með dótið sitt þegar við erum heima. Svo fórum við í barnaafmæli um daginn og ég gat setið frammi og talað við fólkið meðan hún lék sér inni í herbergi með krökkunum. Langaði bara að þakka fyrir tímana og segja þér hvernig allt hefur gengið síðan við vorum hjá þér.”
—————————————————

“Allstaðar þar sem mikið andlegt álag fær að hvíla á t.d.í starfi verða til andlegir / líkamlegir sjúkdómar ef ekki er að gáð og hefur undirritaður fengið kvilla – veikindi sem rekja má til þessa. “Venjulegar” lækningaleiðir voru reyndar, misgóðar og aðeins ætlaðar til að viðhalda þokkalegu ástandi. Ég frétti af Tinnu og hennar nálgun og fór til hennar og að mörgu leyti er það besta ákvörðun sem ég hef tekið. Þarna hitti ég fyrir einlægan, trúverðugan og heiðarlegan meðferðaraðila sem er alltaf sjálfri sér samkvæm og árangurinn er mér ákaflega dýrmætur. Hafi ég aðeins haft trú á hinu áþreifanlega og auðskiljanlega, hef ég það ekki lengur. Hafi ég ekki haft trú á “óhefðbundnum” lækningum hef ég það nú.
Takk fyrir það Tinna, þú ert dýrmæt.”

—————————————————–

“Tinna María er að mínu mati mjög hæf í sínu starfi og hefur þróað meðsér djúpa næmni og þekkingu sem er mjög einstök. Ég hef verið í meðferð hjá Tinnu og hef ég upplifað mikið og margt gerast hjá mér á bekknum hjá henni og sumt ólýsanlegt. Það er enginn tími eins en hver öðrum betri og hefur okkur í sameiningu tekist að brjótast í gegnum mörg gömul lög af sársauka, líkamlegum sem og tilfinningalegum. Ég mun halda áfram að koma til Tinnu til að viðhalda góðum líðan.”

Herdís Björnsdóttir

———————————————————

“Að vinna með sjálfan mig undir leiðsögn og handleiðslu Tinnu Maríu er það öflugasta og besta sem ég hef gert fyrir mig í lífinu. Mér hefur tekist að vinna með martraðir sem ég hef haft frá því ég var barn og ekki vitað afhverju komu alltaf aftur og aftur. Þær eru ekki orðnar martraðir lengur. Okkur hefur líka tekst að vinna með tilfinningar sem ég hélt að mér tækist ekki að vinna með um ævina og vissi bara ekki hvernig ég gæti unnið með. Ég er að fara í gengum erfiðan tíma núna, að koma til Tinnu Maríu og fá hennar hjálp til að átta sig á stöðunni og aðstoð við að vinna úr erfiðum tilfinningum er frábært. Það spillir ekki fyrir að hún hefur verið að vinna með höfuðið á mér, en ég hef þjáðst af miklum höfðuverkjum eftir bílslys. Ég er allt önnur af þeim í dag. Ég geri ekkert betra fyrir sjálfan mig en fara í tíma til Tinnu Maríu.

Takk fyrir alla aðstoðina.”

Pálína Þórarinsdóttir

————————————————–

“Hann bara sefur og drekkur. Þess á milli er hann skælbrosandi og hjalandi,
algert draumabarn, þökk sé þér ;)”

Takk fyrir okkur

kv. Tinna

——————————————–

“Hún hefur það rosalega gott, hún sefur og sefur og er hætt að taka svona rembingsköst, sefur 7-9 tíma um nóttina og ælir bara örsjaldan núna,  þannig að ég get ekki annað séð en henni líði rosalega vel. J Breyttist öll eftir síðasta tíma”

Takk æðislega fyrir okkur
Kv, Silja

———————————————————

“Ég lenti í bílslysi fyrir rúmum 2 árum þar sem ég tognaði á hálsi og fékk hnykk á bakið. Ég var send til sjúkraþjálfara sem gat lítið gert til að minnka verkina hjá mér og ég hélt að ég yrði að lifa með verki það sem eftir væri og ég er einungis 22 í dag. Svo rakst ég á síðuna hennar Tinnu á netinu og ákvað að slá til. Ég viðurkenni að ég vissi voða lítið hvað ég var að fara út í þegar ég mætti í fyrsta tímann og hvort þetta myndi hjálpa mér þar sem sprenglærðir sjúkraþjálfarar og læknar gátu voða lítið fyrir mig gert en ég sé svo sannarlega ekki eftir því. Ég er búin að vera í höfuðbeina og spjaldhryggsmeðferð hjá Tinnu í um hálft ár og mér líður miklu betur bæði á líkama og sál og ég mæli hiklaust með henni. Umhverfið hennar er afslappað og notalegt og hún sjálf svo ofboðslega yndisleg manneskja og veit alveg upp á hár hvað hún er að gera. Takk fyrir mig Tinna mín!”

Sigurborg
———————————————————–

“Ég fór með 7 ára dóttur mína til Tinnu Maríu þar sem barnið var alltaf með höfuðverk. Þessi höfuðverkur orsakaðist af bitvandamálum og gnístri tanna í svefni. Eftir nokkra tíma hjá Tinnu var dóttirin laus við höfuðverkinn og óþægindin sem honum fylgdi. Við mæðgur erum alsælar með Tinnu og ætlum að leita til hennar aftur ef eitthvað bjátar á . Takk fyrir okkur.”

Arna og Bjarney Sara

————————————————

“Ég leitaði til Tinnu Maríu í júní 2009 vegna ástands sem hefur háð mér mjög mikið til fjölda ára og var staðan orðin þannig að ég sá nánast ekkert framundan nema algjört svartnætti en ég var heppinn og frétti af Tinnu í gegn um sjónvarpsviðtal á INN.

Ástandið á mér var gríðarlegt verkjaástand, þunglyndi, mikill kvíði, truflað lyktarskyn, lélegur svefn o.s.f.v. sem sagt allt í rúst og ég var búinn að reyna margt til að fá bót.

Það var dálítið skrýtið að þegar ég hitti Tinnu fyrst að einhver ljómi frá henni fékk mann strax til þess að treysta henni fyrir því sem framundan var, skemmtileg persóna og það er einhver dulúð yfir henni, svona eins og hún hafi fæðst til þess að stunda það sem hún gerir í dag.

Meðferðir hennar eru trúlega ekki eins hjá neinum tveim persónum en ég reyni að lýsa minni reynslu.

Ég mætti til Tinnu fimm daga í röð og voru tveir tvöfaldir tímar inn í því svo þetta var mikil törn en hún sagði mér að þegar dæmið liti svona út eins og hjá mér þá þýddi ekkert annað en taka á því með ákveðni .

Það sem byrjaði að gerast strax eftir fyrsta tímann var að það slaknaði einhverveginn á líkamanum og rosalega mikil þreyta braust fram.

Í næsta tíma varð mikið hugarrót og maður fann þörf fyrir að losa um heilmikið að tilfinningum, hugsunum og tala út og rifjaðist margt merkilegt upp langt aftur í tímann og einhverjar hugsanir komu upp sem maður geymir innra með sér og ræðir ekki við neinn en það var hægt að ræða þær við Tinnu eins og ekkert væri sjálfsagðara.

Síðan liðu tímarnir hver á eftir öðrum og alltaf var eitthvað nýtt að gerast í líkama og sál og hef ég aldrei upplifað annað eins. Gamla góða persónan sem ég kunni svo vel við hérna áður fyrr var byrjuð að brjótast fram og berjast við að ná yfirtökum á þeirri sem komin var og gerði mér lífið svo erfitt, þessu fylgir mikið tilfinningarót og það er margt  sem þarf að hugsa og hugsa, aftur og aftur til þess að ná niðurstöðu en ef rétt er unnið úr hlutunum með aðstoð Tinnu þá gerist margt gott.

Þegar þetta er skrifað er ég nýbúin að fara til Tinnu eftir hálfsmánaðar hlé frá törninni miklu og er ég enn alveg á fullu að endurmeta tilfinningar mínar og að berjast við að sættast við sjálfan mig eins og ég er að verða í dag sem er í raun að kynnast manni sjálfum eins og maður var hérna áður fyrr og þar sem minningarnar eru góðar aftur í tímann er þetta mjög góð reynsla og sýnir manni hvað er hægt að loka margar tilfinningar inni sem valda manni síðan ómældum erfiðleikum í lífinu. Heilsa mín hefur stórlagast og vinn ég nú samkvæmt þeim leiðum sem Tinna hefur leitt mig til og nýr og notalegur heimur er að opnast fyrir mér.

Við Tinna höldum áfram að vinna saman í mínum málum eins lengi og þörf er á  því ekki vil ég glata þessum frábæra árangri sem Tinna hefur náð með mig á stuttum tíma.

Það er auðvitað ekkert annað að segja um Tinnu Maríu annað en stórkostleg fagmanneskja sem veit nákvæmlega hvað hún er að gera.

Hvernig hún nær þessum undraverða árangri á svona stuttum tíma er eitthvað  sem ekki er skýrt með orðum, hún er einfaldlega með gríðarlega hæfileika og mæli ég eindregið með henni fyrir alla sem þurfa á aðstoð að halda heilsufarslega.

Tryggvi Þórarinsson

———————————————————

“Þegar ég var ólétt af mínu fyrsta barni fékk ég svakalega illt í bakið og grindina um 20 viku. Það var svo slæmt að ég lá fyrir og gat vert gengið.  Ég fór að skima eftir úrræðum og var mér bent á hana Tinnu. Ég fór með opnum huga og strax eftir fyrsta skiptið fann ég mun á mér. Ég fór reglulega til Tinnu þangað til ég var gengin 37 vikur og leið alltaf betur og betur ekki bara líkamlega heldur andlega líka. Ég átti svo strákinn minn gengin 39vikur + Ég er sannfærð um að ég og strákurinn minn höfum haft afskaplega gott af þessu. Ég er mjög þakklát Tinnu fyrir hjálpina á annars frekar erfiðri meðgöngu og ég mæli 100% með henni. Það var alltaf gott að koma, hlýlegt og notalegt.”

Ragnhildur

————————————————————————————-

“Ylfa er bara búin að vera eins og draumur síðan í síðasta tíma. Sefur vel á daginn og er ekkert að rumska svona á 30 mín fresti heldur í fyrsta lagi eftir 1 og hálfan tíma.  Henni virist líða vel og ég er alveg rosalega sátt við það sem þú ert búin að gera fyrir okkur :)”

————————————————————————————–

“Það hefur verið engu líkt að vera hjá Tinnu. Hún hefur einstaka hæfileika
til að nálgast fólk og hefur hún hjálpað mér að komast í tilfinningalegt
jafnvægi og öðlast trú á sjálfri mér að nýju eftir að hafa gengið í gegnum
erfiða tíma og áföll. Ég hef öðlast nýja sýn á tilveruna á ótrúlega
skömmum tíma og hefur Tinna kennt mér að meta hlutina á annan hátt.

Tinna býr yfir mikilli ró og nærvera hennar og umhyggja er einstök, hlýjan
og nærgætnin hvetur mann áfram og ég mun vera að eilífu þakklát fyrir að
hafa fengið að kynnast Tinnu. Aðferðir hennar virka betur en allt annað
sem ég hef áður kynnst.”

——————————————————————————————-

“Ég fór fyrst til Tinnu fyrir þremur árum vegna slæmra verkja í mjóbaki sem leiddu niður í fótinn.

Eftir fyrsta tímann var eins og þungu fargi væri létt af bakinu á mér og ég varð öll betri.

Það er erfitt að lýsa þeirri upplifun sem mér fannst ég verða fyrir en ég ákvað að skýra þetta þannig að ég hafi orðið fyrir töfrum.

Tinna er mjög næm og  einstaklega ljúf og þægileg manneskja sem á mjög auðvelt með að opna hjartastöðina – alla vega hjá mér.

Nýlega leitaði ég aftur til hennar og er líðaninn öll betri.”

————————————————————————————————

“Mig langaði bara að segja þér að Birtu hefur gengið betur að opna munninn í dag, hún á auðveldar með að ropa og hún prumpar minna. Brjóstagjöfin gengur mun betur. Hún er búin að sofa mjög mikið og vilja vera mikið í fanginu, eins og hún var fyrst, en það er samt hægt að leggja hana aðeins frá sér ef hún sefur nógu djúpt. Hún er ennþá svolítið spennt, en þetta er allt í áttina. Takk kærlega fyrir okkur”  (rúmlega tveggja vikna eftir 1 tíma)

—————————————————————————————————

“Ég hef unnið með Tinnu í þó nokkur ár í meðferðargeiranum. Hún hefur einstaka næmni í höfuðbeina og spjaldhryggsmeðferð jafnt í að skynja tilfinningar sem fylgir því að vera að hjálpa fólki með vandamál og góða hæfileika að aðstoða við að leysa úr þeim.

Þegar ég þarf að senda kúnna frá mér í aðra meðferð er Tinna oftast sá aðili.”

Jóhannes Sveinbjörnsson
myofascial mobilization,
sports therapist and structural integrator
postura.is

 

Review tekin af FB síðu Orkulind.is


“Tinna hefur hjálpað mér ótrúlega mikið og það er alltaf jafn áhrifaríkt og gott að koma til hennar í meðhöndlun. ég mæli 100% með henni. Takk Tinna”

Linda


“Endurnærandi meðferðir, bæði andlega og líkamlega, og einstaklega góð nærvera sem Tinna hefur.

Hef auk þess farið með dóttur mína (þá kornabarn) til hennar og á tveimur tímum breyttist hún úr því að vera óvært barn sem alltaf var á handlegg og vildi engan nema mömmu sína í að vera rólegt barn sem hægt var að leggja frá sér og sætti sig við fleiri fjölskyldumeðlimi. Get ekki þakkað það nóg!”

Hulda


“Mjög fagleg, góð nærvera og veit hvað hún er að gera. Frábær árangur á því sem hún hefur verið að vinna á hjá mér”

Ingunn